Nau Mai Haere Mai Ki Matariki
Whakanuia te tau hou Māori, 15 ki 28 o Pipiri 2024.
Celebrate the Māori new year in Tāmaki Makaurau with Matariki Festival, from 15 to 28 June 2024. #MatarikiFestival
Matariki Festival heralds the Māori new year in Tāmaki Makaurau by celebrating te ao Māori through stories, film, entertainment, discussions, performance, food and art. The festival aims to create an environment where communities can come together to reflect on and celebrate this special time of year, the season of Matariki.
He Kōrero mō Matariki
He tohu whakahirahira te putanga mai o te kāhui whetū o Matariki i te rangi ki te maramataka Māori - he tohu tīmatanga o te tau hou Māori.
Ki te Māori, i tāpirihia ngā āhuatanga o te ao kōkōrangi ki ngā wāhanga katoa o te tirohanga tangata. I ngā pō, i noho mātakitaki ai ngā tohunga kōkōrangi, i titiro whakatātare ai ki te whānau mārama - ngā whetū, ngā aorangi, te hononga o te whānau mārama ki nga wāhanga o Papatūānuku, ki te moana, ki ngā ara wai. He āhuatanga whaiaro tō te whānau mārama, ā, nā kōna ēra i tapa. I whakairohia ngā kōrero kōkōrangi ki ngā tāhuhu kōrero o te iwi.
I mua, ko ēnei whakanuitanga i te Tau Hou he take e huihui ai ngā hapori, ki te poroaki i te tau kua hipa me te aro atu ki te tau e heke mai nei. He wā hoki ia mō te kai, mō te kōrero, whakatau tikanga me te ngahau tahi. I te pūaotanga o tēnei rautau, ka oho mai anō ēnei tikanga hei whakanui i tō tātou ao motuhake, hei whakamānawa i te whenua, e whai pānga, e nohoa nei e tātou katoa. E haere tonu nei ēnei tikanga i roto i te Ahurei o Matariki o ēnei rā.